تەركىبى: گاۋزىبان ھىندى 20 گرام، بادرەنجى بۇيا 20 گرام، ئەفتىمۇن 20 گرام، ئەمەن 20 گرام، خىيارشەنبەر 60 گرام، بادام يېغى 10 گرام، قەنت 200 گرام.

تەييارلىنىشى: دورىلارنى كۆرسەتمە بويىچە ئېلىپ، قاتتىق دورىلارنى چالا سوقۇپ، باشقا دورىلار بىلەن بىرلەشتۈرۈپ بىر سوتكا چىلاپ قاينىتىپ، ئەفتىمۇن، خىيارشەنبەرنى ئايرىم چىلاپ، چىلانغان دورىلارنى قاينىتىلغان دورىلارغا بىرلەشتۈرپ 5-10 مىنۇت دۈملەپ قويۇپ، تىرىپلىرىنى سىقىپ سۈزۈۋېتىپ، قەنت بىلەن ئۆرلىتىپ 500 گرام شەربەت ئېلىنىدۇ، ئاندىن كېيىن بادام يېغى قويۇلىدۇ. 

تەسىرى: مېڭىگە ھۆللۈك يەتكۈزۈش، مېڭە قان تومۇرلىرىدىكى توسالغۇلارنى ئېچىش، ئۈچەيگە ھۆللۈك يەتكۈزۈپ قەۋزىيەتنى بوشىتىش، سەۋدادىن بولغان مالىخۇلىيا كېسەللىكلىرىنى داۋالاش تەسىرىگە ئىگە. 

ئىشلىتىش مىقدارى: ئەھۋالغا قاراپ كۈندە ئىككى قېتىم 100-50 مىللىلىتىرغىچە ئىستېمال قىلىنىدۇ.